The spirit of tengri 2013 Фестивалі

Tengri FM ұлттық радиостанциясы мен СТВ телеарнасы Қазақстандағы алғашқы заманауи этникалық музыкаға арналған халықаралық The Spirit of Tengri фестивалін ұсынады. Tengrinews.kz тілшісінің хабарлауынша, 8 маусым күні Mega Alma-Ata сауда орталығы алдындағы алаңда өтетін концертте Еуразия құрлығының түкпір-түкпірінен келген 12 музыкалық ұжым өнер көрсетеді.

Қатысушылардың қатарында қазақстандық музыканттар да бар: Tengri FM-нің алғашқы рок-сыйлығында жарқын өнер көрсеткен «Алдаспан» тобы, өзіндік стилі бар этно-фолк ұжымы Hapanasasa, жеке орындаушылар — жетігенде ойнаудың хас шебері Қорлан және ерекше вокалдық қабілетімен танымал әнші Найя.

Концертті Қазақстандағы рок сахнасы мен тірі дыбыстың ардагерлері — «Роксонаки» тобы ашады. Сондай-ақ этникалық музыканы сүйетін тыңдармандар бұл жанрдың әлемдік жұлдыздарының өнерін тамашалай алады. Мәселен, Бурятия атынан бүкіл әлемге ерекше үнімен ғана емес, музыканттарының айрықша құрамымен танымал «Намгар» тобы қатысады.

Тува әншісі әрі импровизатор, тамақпен ән салу шеберлігін джаз, блюз және авангардпен ұштастырған Саинхо Намчылак Гонконгтан келген диджей Диксонмен бірге сахнаға шығады. Сондай-ақ Башқұртстаннан «Аргымак» тобы, Таулы Шориядан Чылтыс Таннагашева, Якутиядан хомус аспабында ойнаудың виртуозы әрі импровизатор Юлиана, Қырғызстаннан әнші Гүлзада және Алтай Республикасының өкілі, мультиаспапшы Болот Байрышев өнер көрсетеді.

«Бүгінгі таңда бұл — Қазақстан үшін жаңа әрі өте қызықты бағыт. Мен қазақ музыкасы мен фольклорын жақсы білемін. Ал бұл жоба этно-электронды форматта ұсынылады. Қазір әр фестиваль өз жолын, өзіндік әрі тың тәсілін іздейді».